Einfaldasta leiðin til að breyta rafkrónum í aðrar rafmyntir á Solana bálkakeðjunni er að nota swap viðmótið á mintum.is. Swappið er tengt við Jupiter sem finnur fyrir þig hagkvæmustu skiptin hverju sinni. Þetta gerir Jupiter með því að tengjast öllum stærstu mörkuðum og finnur sjálfkrafa fyrir þig besta verðið svo þú þurfir ekki að flakka á milli. Þú finnur swappið í valmyndinni lengst uppi til hægri þegar þú ert skráður inn á mintum.is
Til að nota swappið þarft þú að vera með eigið veski sem browser extension á vafranum þínum. Þ Ef þú hefur ekki þegar sett upp þitt eigið veski getur þú fylgt leiðbeiningum hér. Þú tengir veskið með því að velja "connect wallet".
Kerfið ætti sjálfrafa að finna þau veski sem þú ert með í vafranum þínum. Þú tengir veskið með því að velja veskið þitt í listanum. Í okkar tilfelli erum við að nota Phantom.
Þú getur séð að veskið þitt er tengt þegar raðnúmer veskisins birtist efst og staða á veskinu sést efst til hægri á valmyndinni.
Þá er næst að velja hvernig skipti þú vilt framkvæma. Efri myntin er sú sem þú vilt skipta frá og sú neðri sú rafmynt sem þú vilt skipta fyrir í. Þegar þú slærð inn upphæðina birtast upplýsingar fyrir neðan um skiptin, þ.e. upplýsingar um gengi gjöld o.fl. Mikilvægt er að ganga úr skugga um að þú sért sáttur við það verð sem þú ert að fá áður en þú klárar skiptin.
Í skjáskotinu má t.d. sjá að:
- Whirlpool er markaðurinn sem verður notaður í þetta skipti
- Rate er það gengi sem þú færð. Í dæminu hér að ofan er gengið 1 USDC = 137.80 ISKT.
- Price Impact er hvaða áhrif þín viðskipti munu hafa á verðið á mörkuðum. Þegar þú átt viðskipti við lausafjársjóð hafa öll viðskipti áhrif til hækkunar eða lækkunar á verði sjóðsins. Þú getur lesið nánar um hvernig lausafjársjóðir virka hér.
- Minimum received er upphæð rafmynta sem þú færð að lágmarki. Nákvæmt verð getur tekið breytingum frá því að það er birt fyrir þér og þar til að þú staðfestir í veskinu að viðskiptin skuli eiga sér stað. Til þess að verja þig fyrir óeðlilegum verðum er gert ráð fyrir 0.1% vikmörk (e. slippage) en þú getur stillt nánar vikmörkin efst á valmyndinni.
Þegar þú ert tilbúinn í skiptin smellir þú einfaldlega á "Swap" en þá birtist yfirlit yfir viðskiptin og þú smellir á "Confirm" til að staðfesta.
Þú smellir á Confirm þegar þú ert tilbúinn að staðfesta en þá ætti að birtast tilkynning í veskinu þar sem þú endanleg staðfestir viðskiptin.
Að lokum ætti síðan að birtast staðfesting og þú ættir að geta skoðað uppfærða stöðu í þínu veski.
